!وسع خيالك

مش قادر استوعب أنا الحقيقة الصيغ  على شاكلة " مشكلتك" دى , مفتكرش إنه صاحب المدونة محتاج لتوجيهات تصحح مساره و ردود فيها اشارات للمشاكل و لا خارطة طريق للحل

يمكن يكون جو الإثارة اللي كتير بيبقى موجود فى المدونة مسلي جدا بالنسبة لصاحب المدونة , إنما مفتكرش  أنه وجود الجو ده من عدمه مؤثر أوى أو جوهرى فى حياته , يمكن حتى وجود المدونة نفسه بالنسبالى غالبا شيء مرحلي

 و بعدين يا راجل يا بتاع المشكلة بالذمة فيه حاجة مسلية أكتر من إنك فى الوقت اللى متبقاش موجود و لا نشط فيه يبقى فيه ناس بتتناقش  عنك و مشغولة بيك , دا حاجة و لا أروع يعنى على رايى الكابتن مش عارف مين

و فى كل الاحوال على فرض جدلى انه فيه مشكلة اكيد المشكلة دى حاجة نسبية , بدليل انه لسه فيه ناس زيى و زيك متابعة

المعرض فعلاً جميل ويستحق الزيارة..لفيت فيه حوالي الساعتين ،ملاحظاتك في محلها..أسوأ لوحة يمكن بتاعة مصر الخضرا دي ..كتكرار ممل فعلاً، ولو إنها تقنيًا مرسومة كويس..وبعدين إذا كان في الكاريكتير كويس إن الكلام يبقى قليل أوي أو من غير كلام ..ما بالك اللوحة العادية.

حلمي التوني فكرني زي ألف برسومات مطبوعات الأطفال،وإيهاب شاكر برضو..عرفته فورًا وفكرني بمجلة ماجد خصوصًا.

اللوحات من مدارس مختلفة،وفي شغل جامد جدًا..للأسف مش فاكرة أسماء..لكن اللي علق معايا واحدة زي  (حنان الشيخ)،اللي راسمه لوحتين تقريبًا لدراجة فوق عود كبريت من زاويتين مختلفتين.

كان في الدور التالت بيتهيألي في شغل الأبيض والأسود جميل أوي..ولوحتين جنب بعض كده لشخص وجهه يشبه البومة،دول من اللوحات اللي لفيت ورجعت قعدت قدامها كتير..من النوعية اللي زي اللي قلت عليها (كأن في فلسفة بتحرك العمل ككل).

شغل بقى الفيديو آرت هو مابين متوسط لسئ..بس غالبية الأفكار جديدة وظريفة ..زي فكرة العين اللي بتراقب الحداث والقاعة مليانة مرايات دي..

في برضو شغل الاضاءة على منحوتة معدنية معمولة كانها طائر خرافي..بيتهيألي عشان الظل اللي ظاهر في الحائط.

--

عمومًا يعني شكرًا كتير على التنبيه للمعرض،بس ملحوظة..حسيت إنه معرض ميت ولا الناس اللي ماتوا..كان ظريف إن مايبقاش حد موجود ،كأنه معرض شخصي بتاعي مثلاً..لكن سؤال بجد: هو مافيش بني آدمين بتروح الحتت دي ولا ايه؟ نقص دعاية ولا نقص اهتمام؟