!وسع خيالك

باشمهندس بحار أنا الكومينت بتاعى مش بكتبه على طيزك ,يعنى بلاش تاخده بحرقة كده , الخرى مضر بصحتك, و بعدين مفيهاش احراج يعنى انه يبقى فيه فلسطينى  غبي , لما تبقى مش فاهم ممكن تقولي و أنا هشرحلك متقلقش

عزمى بشارة لما كان بيتكلم عن البحث عن صورة نصر كان بيتكلم عن إسرائيل و  المأزق اللى قادتها حطوا نفسهم فيه لما قرروا للمرة التانية عبط حرب 2006  فى مكان تاني

, طبيعي يعنى الكلام مكنش عن غزة, و إنه حماس و المقاومة فيها بتبحث عن صورة نصر  لانه مش من المتصور عقلا إنه حماس 2009 ممكن تصل لنصر تحطم فيه تمثال لبن جوريون مثلا في مدينة اسرائيلية , فموضوع البحث عن صوره نصر ده يا عبقري كان  رأيه في مشكلة اسرائيل فى حربها فى غزة بشكل خاص , و  فى المواجهات مع الميليشيات العسكرية اللى معندهاش تنظيمات و تشكيلات عسكرية زى الجيوش الحديثة

لو برضه لسه مفهمتش متقلقش هبعتلك جرادل خرة تكفيك من هنا للسنة الجاية

بيتهيألي الأتباع و المريدين  و الناقلات الحيوية صعب عليهم يجوا هنا سيادتك , لأنه دى في حد ذاتها تعتبر معصية و رجس من عمل الشيطان و مخالفة لكل آراء العلماء المتقدمين و المتأخرين فى قناة الناس ,  ,فمينفعش ابقى متحجر للدرجة اللى بتتكلم عنها دى و متابع كتير من كتاباتك ,و عامة دى فرصة بجد أشكرك فيها إنى عرفت من مدونتك شخصيات زى كافكا و ميشيل فوكو و منار سعد و ياسين التهامي و غيرهم , أنا متابعاتي مش دءوبة بس على القنوات اللى بتتكلم عنها دى, بالعكس انا بعتبر مدونتك دى مورد ثقافي جامد جدا فعلا  و متميز مش بس من حيث المضمون و لكن الأكثر تميزا الأسلوب , المسألة بالنسبالى مبتمشيش وفق سياسة القطيع مش كل اللى بيعتبره الناس مصدر ثقافي محترم بيبقى كده بالنسبالى و لا كل اللى بيعتبره الناس عك بشوفه انا بلا فايدة, بالعكس يعنى أنا الانتقائية عندى عالية جدا , و لو مكانتش دى الحقيقة كان ممكن مثلا لما احب اتابع حد بيكتب عن افكار شبيهة بأفكارك كان ممكن  مثلا اتابع مدونة مصطفى فتحي العبيطة "ابن رشد" انما طبعا ده مينفعش يحصل لأنه  مفيش مجال للمقارنة بينك و بين كتير من المدونين المهتمين بأفكار قريبة من أفكارك, هنا عندك فيه ثورة فى طريقة التناول , إنت مش حاسس بنفسك و لا ايه :D

أكيد يعنى محدش  اختارلى مدونتك مثلا, تصور اخترتها بإرادتى الحرة و من غير آراء الآخرين :D

و بعدين طيب لما بكتب رأيي عنك فى مدونات تانية  ساعات بشكل مفصل , و بشكل مقتضب هنا , بنقل من مين, قناة الجزيرة ؟

موضوع قناة الناس كانت حاجة حبيت انكشك بيها الحقيقة , حبيت اشوفك و انت بتبنى عليها تعليقك , يعنى نوع من أنواع اللعب

 * و دايما متنساش إنه أى حد  مهما كان رأيه بديع و مصاغ بشكل جميل فهو فى الآخر خلاصة سطور و أفكار اتقالت قبل كده ,افتكر انت نفسك كنت شايف نفسك تجميعة  كده من  كذا مصدر ده مضمون سطور انت كتبتها افتكر فى روجرز أو فى دروس مكي المستفادة  او فى الاتنين مش فاكر بالظبط الحقيقة , مفتكرش انه ده عيب يعنى

 ها خلصنا كده من النقطة الرخمة اللى اضطرتى اتكلم فيها دى , و لا مصمم  انى بنقل عن ناس تانية ؟؟, و لو انى هموت و اعرف مين الناس التانية دى بس براحتك بقى لو انت مقتنع  انى بنقلك أفكار ناس تانية فبراحتك ممكن تعتبرنى حد بيساعدك تعرف الآراء اللى انت مش بتتابعها , أهو منها تبقى اب تو ديت , و منها تلاقى مادة جديدة توضحلك رخامة الذوق العام  و الوعى الجماعى , ده اكيد هيساعدك تكتب تدوينات جديدة تسخر فيها من القوالب الجامدة اللى زيي و زى اللى بنقل عنهم

و بعدين اوعى تتنشن , موضوع عزمي بشاره ده و لو إنه حقيقى فعلا انما فيه احتمالات كتير , طبعا مش منهم التخاطر :D

يمكن مثلا حد شاف الحلقة و  اتكلم فى  موضوع البحث عن صورة نصر دى معاك و قال الكلمات دى على لسانه , و الكلام عجبك  فكتبت البوست ده , متنشنش  يعنى اوى كده كل شيء جايز :D

 حكاية انى بنقل آراء ناس تانية دى تحز فى نفسي اوى يا أخي