!وسع خيالك

على فكرة أنا كنت مستنيك تكتب عن الدكتور مصطفى محمود و كنت  مستنى و متوقع و متأكد أنك هتكتب عنه ,يمكن زى ما أنت غالبا ممكن تتوقع بسهولة إنه  بوست عن الراجل ده أكيد هيشدنى أنه يبقالى  مداخلة فيه

 بالنسبة بقى للدكتور مصطفى فالراجل ده فعلا أنا بحبه جدا , و لما تحب حد جدا  للدرجة اللى انا بحب بيها الراجل ده مبيكونش السبب أبدا درجة علمه أو حصيلته المعرفية , لأنه غالبا فيه ناس كتير أعلم منه في كل فروع المعرفة اللى انشغل بيها , لكن بتحبه عشان هو فعلا حالة ابداعية -زى ما انت قلت- فأنا مثلا زى ما حبيتله كتاب رحتلى من الشك لليقين و دورت عليه بشغف , لازلت أبحث عن كتابيه  الإنسان و الله , و كتاب إبليس  يمكن بشغف أكبر , و رغم إنه الكتابين دول يقال عنهم إن محتواهم  مرتبط بالمرحلة  اللادينية , لكنى على يقين من انى هحس بانتشاء القراءة أيا كان المحتوى , زى ما  كنت بحب له وقفاته و تأملاته الدينية  كنت بحب كتاباته الفنية اللى أتيح ليا الاطلاع عليها  زى مجموعته القصصية " الذين ضحكوا حتى البكاء" كانت بتشدني إيحاءاته و إيماءته  لما بتكلم عن العلم بنفس القدر اللى بتشدنى فيه لما يتكلم عن  الدين ,في الفن ,عن صوت فيروز... 

- من الأساليب الحياتية المحببة إليّ , أسلوب حياه مصطفى محمود  , أتمنى يوما أن يسمح لى القدر أن أعيش بنفس النمط اللى عاش بيه و انى اقدر يوما  أن أشعر براحة البال اللى بتحسها  فى كلمته " أهلا بكم ".ا

-تتبعت المواضيع بخصوص موته  على منتديات من توجهات مختلفة  و  مندهشتش الحقيقة لما لقيت  الناس مش مختلفة مع الرجل من الناحية الإنسانية حتى  و إن   اختلفوا  معاه  فكريا , لاحظ مثلا   الفرق بين انطباعات الناس عنه و انطباعاتها  عن زغلول النجار

hammadzohors@yahoo.com